Ka pak vende ku historia dhe muzika ndihen kaq pranë njëra-tjetrës. Nën hijen e Kalasë së Rozafës, ku legjendat kanë kaluar brez pas brezi, ritmet moderne marrin jetë dhe krijojnë një atmosferë që e bën Shkodrën një nga destinacionet më të gjalla të verës shqiptare.
Pikërisht këtu rikthehet DUA FEST, festivali që për dy netë mbledh mijëra adhurues të muzikës dhe 13 artistë në një skenë spektakolare open-air. Në programin e këtij viti ngjiten Alban Skënderaj, MC Kresha & Lyrical Son, KIDA, Sardi Strugaj, Endri & Stefi, Offchestra, Irgen DJ, Eri Dee, LYNX, Luna Causholli, Urban Band dhe David Dreshaj, duke sjellë një kombinim të zhanreve dhe performancave që zgjasin deri në orët e vona të mbrëmjes.
Me panoramën e Kalasë së Rozafës si sfond dhe atmosferën karakteristike të Shkodrës, DUA FEST ka fituar vendin e tij si një nga festivalet më të rëndësishme të sezonit veror, duke ofruar një eksperiencë që shkon përtej muzikës dhe fton vizitorët të përjetojnë qytetin në një mënyrë krejt ndryshe.